Ա. Սպենդիարյանի տուն-թանգարանի և ՀՀ ԳԱԱ ԵԳԻ Հ. Կարապետյանի անվ. երկրաբանական թանգարանի համագործակցությամբ սեպտեմբերի 28-ին, ժամը 13:00-ին կայացավ «Լեոնիդ Սպենդիարովի անվան երկրաբանական մրցանակի հաղթարշավն աշխարհում» խորագրով միջոցառումը՝ նվիրված կոմպոզիտորի ավագ եղբայր՝ աշխարհահռչակ երկրաբան Լեոնիդ Սպենդիարովի (1869-1897) ծննդյան 150-ամյակին:
Ներկաները բացահայտեցին Սպենդիարյան տոհմից ևս մեկ տաղանդավոր զավակի և ծանոթացան նրա համաշխարհային նշանակության գործունեությանը: Օրվա բանախոսներն էին Ա. Սպենդիարյանի տուն-թանգարանի տնօրեն Մարինե Օթարյանը և ՀՀ ԳԱԱ ԵԳԻ Հ. Կարապետյանի անվ. երկրաբանական թանգարանի տնօրեն՝ Գայանե Գրիգորյանը: Համերգային հատվածում ելույթ ունեցավ Ա. Սպենդիարյանի անվ. օպերայի և բալետի ազգային ակադեմիական թատրոնի մեներգիչ Սարգիս Աղամալյանը (տենոր):