Թանգարանային կյանք 2025

Ալեքսանդր Սպենդիարյանի տուն-թանգարանում մայիսի 3-ին կայացած «Վարպետ փոքրիկներ 2025» նախագծի հերթական մասնակիցը Ալեքսեյ Հեքիմյանի անվան երաժշտական դպրոցի սան, 13-ամյա Վահագն Ենգիբարյանն էր։ Վահագնը նվագում է մարիմբա (դասատու Հայկ Հակոբյան) և գրեթե բոլոր հարվածային գործիքներով։ Սովորում է նաև դպրոցի շեփորի, վոկալի և կոմպոզիցիայի բաժիններում։ Նա մի շարք մրցույթ-փառատոնների դափնեկիր է:
Վահագնի կատարմամբ հնչեցին Մ. դե Ֆալյայի, Յ. Բրամսի, Ն. Զիվկովիչի, Ա. Վիվալդիի, Ա. Խաչատրյանի ստեղծագործությունները մարիմբայով։ Նա կատարեց նաև Ռ. Ֆալվոյի «Ասեք ուզում եմ» երգը։ Վահագնին նվագակցում էր Լուսինե Բաղրամյանը:
Տուն-թանգարանի դահլիճի նախասրահում ցուցադրվեցին Վահագնի նկարչական աշխատանքները:
Նախագիծը վարեց Ա. Սպենդիարյանի տուն-թանգարանի ավագ գիտաշխատող Ինեսսա Խաչատրյանը: