«Վարպետ փոքրիկներ»
Մարտի 28-ին Ալեքսանդր Սպենդիարյանի տուն-թանգարանի դահլիճը կրկին մարդաշատ էր:
Վերսկսվեց «Վարպետ փոքրիկներ» նախագիծը, որը մեկնարկել էր 2019թ.: Այն նպատակ ունի բացահայտելու երաժշտական և արվեստի դպրոցների շնորհաշատ սաներին և հարթակ տրամադրել նրանց՝ իրենց հմտությունները հանրությանը ներկայացնելու:
2025 թվականի «Վարպետ փոքրիկներ» նախագծի առաջին մասնակիցն Ա. Հեքիմյանի անվան երաժշտական դպրոցի սան 10-ամյա Եվա Ներսիսյանն էր:
Բազմաթիվ մրցույթ-փառատոների մրցանակակիր, լուսաժպիտ այս աղջնակը ոչ միայն հիացրեց իր կատարումներով, այլև ներկաներին պատմեց իր նախասիրությունների ու նվիրական ցանկությունների մասին: Նրա կատարմամբ և դաշնակահար Հայկուհի Նավոյանի նվագակցությամբ հնչեցին Ա. Սպենդիարյանի, Յու. Դոլժիկովի, Ա. Խաչատրյանի, Բախի և այլոց ստեղծագործությունները: Իսկ սիրելի ուսուցչուհի Սուսաննա Այվազյանի հետ Բեթհովենի Մենուետը՝ երկու ֆլեյտայի համար կատարումը դարձավ օրվա հաճելի անակնկալը: Շնորհակալական խոսքում Ա. Հեքիմյանի անվան երաժշտական դպրոցի տնօրեն Մոնիկա Պետրոսյանը նշեց, որ Ալեքսանդր Սպենդիարյանի տուն-թանգարանի հետ համագործակցությունը շարունակական և ամուր հիմքերի վրա է դրված և որ պատվաբեր է լինել այս նախագծի վերամեկնարկողը:
Նախագիծը վարեց Ա. Սպենդիարյանի տուն-թանգարանի ավագ գիտաշխատող Ինեսսա Խաչատրյանը:
Լուսանկարները՝ Աննա Մկրտչյանի։
Բազմաթիվ մրցույթ-փառատոների մրցանակակիր, լուսաժպիտ այս աղջնակը ոչ միայն հիացրեց իր կատարումներով, այլև ներկաներին պատմեց իր նախասիրությունների ու նվիրական ցանկությունների մասին: Նրա կատարմամբ և դաշնակահար Հայկուհի Նավոյանի նվագակցությամբ հնչեցին Ա. Սպենդիարյանի, Յու. Դոլժիկովի, Ա. Խաչատրյանի, Բախի և այլոց ստեղծագործությունները: Իսկ սիրելի ուսուցչուհի Սուսաննա Այվազյանի հետ Բեթհովենի Մենուետը՝ երկու ֆլեյտայի համար կատարումը դարձավ օրվա հաճելի անակնկալը: Շնորհակալական խոսքում Ա. Հեքիմյանի անվան երաժշտական դպրոցի տնօրեն Մոնիկա Պետրոսյանը նշեց, որ Ալեքսանդր Սպենդիարյանի տուն-թանգարանի հետ համագործակցությունը շարունակական և ամուր հիմքերի վրա է դրված և որ պատվաբեր է լինել այս նախագծի վերամեկնարկողը:
Նախագիծը վարեց Ա. Սպենդիարյանի տուն-թանգարանի ավագ գիտաշխատող Ինեսսա Խաչատրյանը:
Լուսանկարները՝ Աննա Մկրտչյանի։
