Ստեղծագործության ունկընդրում
 
ՀՀ մշակույթի նախարարության աջակցությամբ, Ալեքսանդր Սպենդիարյանի տուն-թանգարանը, Ա. Սպենդիարյանի անվան օպերայի և բալետի ազգային ակադեմիական թատրոնի հետ անցկացնում են հայ դասական սիմֆոնիկ երաժշտության հիմնադիր, կոմպոզիտոր Ալեքսանդր Սպենդիարյանի ծննդյան 145-ամյակին նվիրված միջոցառումների շարք:


Միջոցառումների մեկնարկը տրվեց Ա. Սպենդիարյանի ծննդյան օրը՝ ս. թ. նոյեմբերի 1-ին, ժամը 13:30-ին` կոմպոզիտորի շիրմին այցելությամբ (Ա. Սպենդիարյանի անվան օպերայի և բալետի ազգային ակադեմիական թատրոնի հարակից պուրակ):
Ժամը 14:00-ին Ա. Սպենդիարյանի անվան օպերայի և բալետի ազգային ակադեմիական թատոնի ճեմասրահում, բացվեց կոմպոզիտորի կյանքի և ստեղծագործական գործունեության տարբեր փուլերը ներկայացնող «Մեր Սպենդիարյանը» խորագիրը կրող ժամանակավոր ցուցահանդեսը։
Ցուցադրության բացումից անմիջապես հետո՝ ժամը 14:30-ին կայացավ համերգ, որի ընթացքում հնչեցին կոմպոզիտորի ստեղծագործությունները:
Նշենք, որ «Մեր Սպենդիարյանը» ցուցահանդեսը կգործի նույն վայրում մինչև նոյեմբեիի 20-ը:
Միջոցառումների մուտքն ազատ է:
Համերգի ծրագիրը ներբեռնել այստեղ:

                   
«Մեր Սպենդիարյանը» ցուցահանդես-համերգի ուշագրավ
                                                  պահերը լուսանկարներում

Ի՞նչ գիտեք կոմպոզիտոր
Ալեքսանդր Սպենդիարյանի մասին

                         Ալեքսանդր Սպենդիարյանի ծննդյան 145-ամյակին
Բացահայտե՛ք Սպենդիարյանին` պատասխանելով կոմպոզիտորի կյանքի կարևոր դրվագները ներկայացնող հարցերին, և ստուգե՛ք թե ինչքանո՞վ եք ճանաչում նրան` այցելելով http://www.banktestov.ru/test/?id=43452 էջ:

Հայ դասական սիմֆոնիկ երաժշտության հիմնադիրը


• 1926թ. հոկտեմբերի 1-ին կոմպոզիտոր Ալեքսանդր Սպենդիարյանին շնորհվեց հանրապետության ժողովրդական արտիստի կոչում:

• 1926թ. հոկտեմբերի 2-ին ՀԽՍՀ Լուսժողկոմի № 513 որոշման համաձայն կոնսերվատորիայի ուսուցիչ Ալեքսանդր Սպենդիարյանին շնորհվեց պրոֆեսորի կոչում:

• 1930թ. Երևանի առաջին երաժշտական դպրոցը անվանակոչվեց Ալ. Սպենդիարյանի անունով: 1971թ. Խանջյան փողոցում բացվեց դպրոցի նոր շենքը, որի առջև տեղադրվեց Սպենդիարյանի մարմարյա կիսանդրին (քանդակագործ՝ Ղուկաս Չուբարյան):

• 1933թ. հունվարի 20-ին Սպենդիարյանի «Ալմաստ» օպերայի բեմադրությամբ բացվեց Հայաստանի օպերայի պետական թատրոնը:

• 1939թ. Հայաստանի Օպերայի և բալետի պետական թատրոնը անվանակոչվեց Ալ. Սպենդիարյանի անունով:

• 1957թ. Օպերայի և բալետի պետական ակադեմիական թատրոնի բակում կանգնեցվեց Ալ. Սպենդիարյանի արձանը (քանդակագործ` Արա Սարգսյան):

• 1963թ. ՀԽՍՀ նախարարների խորհրդի նախագահ Անտոն Քոչինյանի 1963թ. նոյեմբերի 21-ի № 491 որոշմամբ հիմնադրվեց Ալեքսանդր Սպենդիարյանի տուն-թանգարանը: Այն Հայաստանում առաջին թանգարանն է, որը նվիրված է երաժշտի:

• 1967թ. նոյեմբերի 25-ին բացվեց Ալեքսանդր Սպենդիարյանի տուն-թանգարանը:

• Երևանի կենտրոնական փողոցներից մեկը` Մոսկովյան անցուղին վերանվանվեց Ալեքսանդր Սպենդիարյանի անունով:
Ընթերցել ավելին

ՎԻՐՏՈՒԼ ՇՐՋԱՅՑ

ՆՈՅԵՄԲԵՐ ԱՄՍՎԱ ՄԻՋՈՑԱՌՈՒՄՆԵՐԻ ԾՐԱԳԻՐ

ԿՐԹԱԿԱՆ ԾՐԱԳԻՐ. «ԻՄ ՏՈՀՄԱԾԱՌԸ»

Կրթական ծրագրի միջոցով դպրոցականները ծանոթանում են տոհմածառ ստեղծելու սկզբունքներին և Ալեքսանդր
Սպենդիարյանի տոհմածառի օրինակով ստեղծում իրենցը:
ՄԱՆՐԱՄԱՍՆ...

ՆՈՐՈՒԹՅՈՒՆՆԵՐ

  • 15/11/16Թանգարանների կառավարման թեմայով դասընթաց` Ա. Սպենդիարյանի տուն-թանգարանում


    ՀՀ մշակույթի նախարարության աջակցությամբ` ս. թ. նոյեմբերի 15-ին, Ա. Սպենդիարյանի տուն-թանգարանում մեկնարկած «Թանգարանների կառավարում և շուկայավարություն, թանգարանի հասարակայնության հետ կապերի բաժնի աշխատանքների կազմակերպման սկզբունքները» թեմայով դասընթացն ավարտվեց վկայագրերի հանձնմամբ...
    Մանրամասն ...
  • Ա. Սպենդիարյանի անվան երկու հաստատությունների անակնկալը...
  • 01/11/16Ալեքսանդր Սպենդիարյանի ծննդյան 145-ամյակին նվիրված միջոցառումների շարք


    ՀՀ մշակույթի նախարարության աջակցությամբ, Ա. Սպենդիարյանի տուն-թանգարանը, Ա. Սպենդիարյանի անվան օպերայի և բալետի ազգային ակադեմիական թատրոնը ներկայացրեցին հայ դասական սիմֆոնիկ երաժշտության հիմնադիր, կոմպոզիտոր Ալեքսանդր Սպենդիարյանի ծննդյան 145-ամյակին նվիրված միջոցառումների շարք...
    Մանրամասն ...
  • 29/10/16Վլադիլեն Բալյանի հուշերը՝ գրքով. «Եվ նրանք բոլոը եղել են… էջեր կոմպոզիտորի օրագրից…»

    ՀՀ մշակույթի նախարարության աջակցությամբ՝ «Ամրոց գրուպ» ընկերությունը հրատարակել է կոմպոզիտոր, ՀԽՍՀ արվեստի վաստակավոր գործիչ Վլադիլեն Բալյանի «Եվ նրանք բոլոը եղել են… էջեր կոմպոզիտորի օրագրից…» /«И все они были… Страницы из дневника композитора»/ խորագրով ռուսերեն գիրքը...
    Մանրամասն ...
  • ԵՐԲ ՀԱՆԴԻՊՈՒՄ ԵՆ ԱՆՑՅԱԼՆ ՈՒ ՆԵՐԿԱՆ

    Տուն-թանգարանի հիմնադիր տնօրեն կոմպոզիտոր
    Վլադիլեն Բալյան: Տնօրինության տարիներ՝ 1966-1972թթ.:
    Տուն-թանգարանի ներկայիս տնօրեն կոմպոզիտոր
    Մարինե Օթարյան: Տնօրինում է 1996թվականից: