Նոյեմբերի 6-ին կայացավ «Պատանի սպենդիարյանականների երդում» ավանդական միջոցառումը, որն ունի արդեն 14 տարվա պատմություն: Սպենդիարյանի անվան երաժշտական դպրոցի առաջին դասարանցիները այցելեցին տուն-թանգարան, ծանոթացան կոմպոզիտորի կյանքին ու գործունեությանը և տվեցին իրենց երդումը` բարձր պահել կոմպոզիտորի անունն ու լինել հայ մշակույթի նվիրյալներ: Ավանդույթի համաձայն կոմպոզիտորի դաշնամուրով նվագելու պատվին արժանացավ դպրոցի առաջին դասարանցի Ժասմին Խաչատրյանը: Միջոցառումն ավարտվեց համերգով, որի ընթացքում Սպենդիարյանի անվ. դպրոցի սաներն իրենց երաժշտական կատարումներով ողջունեցին առաջին դասարանցիներին: