2013թ. նոյեմբերի 1-ին Ալեքսանդր Սպենդիարյանի ծննդյան 142-ամյակի առթիվ ավանդույթի համաձայն կայացավ հարգանքի տուրք և խնկարկում այցելություն կոմպոզիտորի շիրիմին:
Հավաքվել էին կոմպոզիտորի տուն-թանգարանի, նրա անունը կրող երաժշտական դպրոցի, Օպերայի և բալետի ազգային ակադեմիական թատրոնի, Կոմիտասի անվան պետական կոնսերվատորիայի, Տերնոպոլի տնտեսագիտական համալսարանի Երևանի մասնաճյուղի կոլեկտիվները, անվանի կոմպոզիտորներ ու արվեստագետներ, Սպենդիարյանի արվեստի սիրահարներ:
Արարողության ընթացքում օպերային թատրոնի հրապարակում հնչում էր կոմպոզիտորի «Այ վարդ» ռոմանսի մեղեդին` Սպենդիարյանի անվան երաժշտական դպրոցի թավջութակահարների կատարմամբ: