«Վարպետները՝ սկսնակներին» խորագրով հատուկ համերգի նախաձեռնողներն են Ալեքսանդր Սպենդիարյանի տուն-թանգարանն ու Արմեն Տիգրանյանի անվան երաժշտական դպրոցի կիթառի ուսուցչուհի Լուսինե Այվազյանը, ունկնդիրները՝ նույն դպրոցի կիթառի դասարանի աշակերտները, իսկ կատարումներով կիթառի հնչողությունն առավել հետաքրքրական դարձնողները՝ «Los Reyes» խումբը։ Սկսնակ կիթառահարները երկու կատարում ներկայացրին վարպետ երաժիշտներին ու ծափերի մի քանի տեսակ սովորեցին նրանցից՝ այդկերպ միանալով ֆլամենկոյի ստեղծած ոգևորությանը։