ՊԱՐԳԵՎՆԵՐ 50-ԱՄՅԱ ՀԱՍՏԱՏՈՒԹՅԱՆ ԱՇԽԱՏԱԿԻՑՆԵՐԻՆ ԵՎ ԳԻՏԿԱԶՄԻ ԱՆԴԱՄՆԵՐԻՆ Է
Ալեքսանդր Սպենդիարյանի տուն-թանգարանի 50-ամյակի առիթով երկարամյա աշխատանքի համար ՀՀ մշակույթի նախարարության Ոսկե մեդալ է շնորհվել տուն-թանգարանի տնօրեն, կոմպոզիտոր, ՀՀ մշակույթի վաստակավոր գործիչ Մարինե Օթարյանին։
Հայաստանում և արտերկրում Ալեքսանդր Սպենդիարյանի ստեղծագործությունների հանրահռչակման համար պատվոգրերի են արժանացել մեներգիչ Մկրտիչ Մկրտչյանը և Երևանի Կոմիտասի անվան կոնսերվատորիայի պրոֆեսոր Մարգարիտ Սարգսյանը։
Տուն-թանգարանի գլխավոր ֆոնդապահ Տիգրան Սարգսյանը և գիտաշխատող Աստղիկ Հարությունյանն արժանացել են ՀՀ մշակույթի նախարարության պատվոգրերի, ցուցանմուշների պահապան Զեփյուռ Հունանյանը՝ շնորհակալագրի։
Ալեքսանդր Սպենդիարյանի տուն-թանգարանի 50-ամյակի հուշանշան է հանձնվել գիտկանա կազմի անդամներ դիրիժոր, ՀՀ ժողավրդական արտիստ Յուրի Դավթյանին, երաժշտագետ, Երևանի Կոմիտասի անվան պետական կոնսերվատորիայի պրոֆեսոր Արմեն Բուդաղյանին, խմբավար, Հայաստանի երաժշտական ընկերության նախագահ, Երևանի Կոմիտասի անվան պետական կոնսերվատորիայի պրոֆեսոր Դավիթ Ղազարյանին, երաժշտագետ, Երևանի Կոմիտասի անվան պետական կոնսերվատորիայի պրոֆեսոր Նելլի Ավետիսյանին, երաժշտագետ, Երևանի Կոմիտասի անվան պետական կոնսերվատորիայի ուսումնական մասի վարիչ Նոնա Ոսկանյանին և Ալեքսանդր Սպենդիարյանի անվան օպերայի և բալետի ազգային ակադեմիական թատրոնի դիրիժոր Հարություն Արզումանյանին։
Ջերմորեն շնորհավորում ենք ու վստահություն հայտնում, որ արդյունավետ ու գնահատելի աշխատանքը շարունակական է լինելու։
