Դեկտեմբերի 14-ին, ժամը 17:00-ին Ալեքսանդր Սպենդիարյանի տուն-թանգարանի դահլիճում անցկացվեց նախատոնական ինտերակտիվ համերգ. «Տուն-թանգարանի հետ…» նախագծին այս անգամ միացել էին Նելլի Գասպարյանի վոկալ դասարանի սաները` իր իսկ հիմնած "Gasparyan's Artists" երգեցիկ խմբից և Երևանի Ա. Հեքիմյանի անվ. երաժշտական դպրոցից:
Ն. Գասպարյանն անհատապես ներկայացրեց իր 15 պատանի և երիտասարդ աշակերտներին, որոնք հանդիսատեսին ուրախացրին Ամանորի, Սուրբ Ծնունդի թեմաներով, ինչպես նաև պարզապես սիրված երգերի ընտրանիով:
Ջերմ հանդիպում-համերգով ամրապնդվեց միջոցառման հյուրերի և տուն-թանգարանի բարեկամությունը, որի սկիզբը դրվել էր դեռևս ամիսներ առաջ, համատեղ բարեգործական նախագծով: