Հուլիսի 16-ին, Ալեքսանդր Սպենդիարյանի տուն-թանգարանի նախաձեռնությամբ և մասնավոր աջակցությամբ, իրականացվեց բարեգործական ծրագիր։
Նախագծի շրջանակում՝ մեծ սիմֆոնիստի տանը հյուրընկալվեց Նորքի տուն-ինտերնատի 30 բնակիչ։ Նպատակը նրանց համար ինտելեկտուալ ժամանց կազմակերպելն էր և առօրյան նոր տեղեկություններով ու երաժշտությամբ տարբերակելը¸ ինչպես նաև տուն-թանգարանում տարիքային և սոցիալական տարբեր խմբերի համար իրականացվող ծրագրերի ընդլայնումն ու շարունակականությունը ապահովելը։

Նախագծի իրականացմանը սիրով միացան «Խարույկ» վոկալ-գործիքային քառյակը¸ “Gasparyan’s Artists” վոկալ խումբը /գեղ. ղեկ. Նելլի Գասպարյան/։ Նորքի տուն-ինտերնատի տնօրինության անմիջական ու գործուն արձագանքն էլ չուշացավ։ Արդյունքում նախագծի շահառուները մասնակցեցին հատուկ շրջայցի և համերգի։ Այցելությունը եզրափակվեց հյուրասիրությամբ։