Հոկտեմբերի 16-ին, ժամը 14:00-ին Ալեքսանդր Սպենդիարյանի տուն-թանգարանի դահլիճում կայացավ «Գեորգի Բուդաղյան 120. նվիրում Մաեստրոյի հոբելյանին» խորագրով միջոցառում: Այն նշանավորեց հայ մեծանուն դիրիժորի և երաժշտական բազմակողմանի գործչի տարեդարձը:
Ցուցադրվեցին Գ. Բուդաղյանի՝ թանգարանում պահպանվող համերգային ֆրակը և նրան առնչվող կարևորագույն հրապարակումները: Մաեստրոյի հագեցած կյանքի և գործունեության առանցքային դրվագները ներկայացվեցին զեկույցի տեսքով, որն ընդմիջվեց երաժշտական կատարումներով: Միջոցառման համերգային բաժնում ելույթ ունեցան երիտասարդ դաշնակահարուհի Գայանե Ասլանյանը և Բուդաղյանի անվ. արվեստի դպրոցի սաները: