Ալեքսանդր Սպենդիարայանի տուն-թանգարանը շարունակում է երիտասարդ կոմպոզիտորների հետ երաժշտական-ինտերակտիվ հանդիպումների շարքը:
Ապրիլի 19-ին կայացած հերթական հանդիպման մասնակիցները՝ ինչպես ԵՊԿ կոմպոզիցիայի բաժնի ուսանողներ, այնպես էլ տարբեր տարիների շրջանավարտներ, կիսվեցին կոմպոզիտորական գործում իրենց փորձով, մոտեցումներով, տեսլականով։
Ոլորտի փորձառու և սկսնակ տեսաբաններն ու վաստակաշատ կոմպոզիտորները միատեղ բացահայտեցին Անահիտ Գրիգորյանի, Էլեն Յոլչյանի, Արթուր Հարությունյանի, Հասմիկ Արշակյանի, Դավիթ Բալասանյանի և Վահրամ Սարգսյանի ստեղծագործական դիտանկյունները: